الراسل ضمير إنسان
قصيدة
للشاعر والأديب / عماد الدين محمد
الفساد لما إتولد
كنت بسأل شكله إيه ؟
قالو ليه عيون
عن الحق عاميه
ليه ودان ما بتسمع
صراخ المظلومين
ليه أبدان تخطف
كل شيء
من جبين المحرومين
ليه رِجلين
تمشى ما تتعب
فى دروب
الشياطين
ليه بطون
واسعه
ما بتشبع
من الحرام
وكل شيء
فى النهاية نار
بس مين
يفتكر ربه
ويوم الحساب
ومسائل المظلومين
خليك معي
لسه فيه كلام كتير
بس إيه راح يفيد
ولما يئست منك
فوضت أمري
لرب العالمين
حبة ضمير
يمكن تفوأ
ترجع للرحمن الرحيم
هى دي الرسالة
من قلم يدوب
رسم بدموعه
لوحة سودة
من سنين
وعلى الظرف
كتب العنوان
والراسل
ضمير إنسان .
تعليقات
إرسال تعليق