مهري غالي
بقلم الشاعر : علي بدر سليمان
قلا
شو اسمك ياست
قالتلو اسمي سالي
قلا سوسحتي عقلي
وغيرتي والله حالي
ناطر تشوفك بالليل
معك السهر بيحلالي
قالتلو
شكلك حيران
كنك شربان وسكران
والظاهر حابب تنهان
وانا ست مهري غالي
قلا
انا صاحي اكتر منك
ولاشي يبعدني عنك
والظاهر خاب ظنك
انا فارس بوزيد خالي
قلا
انا فارس حابب اسهر
مع اجمل بنت واشطر
ونساهر نجمات الليل
نعانق هالكون ونكبر
قالتلو
كنك شاعر
طيب وبشعرك ماهر
اعطيني من شعرك أبيات
اوصفني ان كنك قادر
قلا
جمالك يأسر القلوب
وحبك بقلبي مكتوب
شعرك شلال غلاب
وبسحرو القلوب تدوب
قالتلو
قلبي ملبك
كنو عشقك وحبك
ازرعني بالله بدربك
زهرة وماتفارق بالي .
تعليقات
إرسال تعليق