على الربابه
بقلم الشاعر : محمد عنانى
بأقول وبأعزف على الربابه
كلام حقيقى ماهوش خطابه
بلدى عظيمه م الناس مُهَاَبه
وحارسها جيشها من الديابه
وكل ناسها فى غاية الطيابه
بيقابلوا ضيفها بكل الرحابه
آلاف مساجد فيها وصحابه
بالوصف ليها حتطول كتابه
عشانها أغنى وأعزف ربابه
مشهوره فيها تلاقى الشهامه
و كبيره صاحبة مقام وقامه
طول تاريخها حفرت علامه
صنعت حضاره كبيرة هامه
ورافعه راسها بفخر وكرامه
من جار عليها من العِدَا يامه
إيه كان نصيبهم غير الندامة
محروسه بلدى ليكى السلامة
ويارب صونها ليوم القيامة
تعليقات
إرسال تعليق