البنت
بقلم الشاعر : علي مسلم عجمي
البنت رحمة عالأرض في كل بيت
منبع حنان و عاطفة و للشعر بيت
و لما بتكبر..أم مدرسة الرجال
و لأجلها بتقول با ربي اهتديت
الولد إسم الأب عندو بأكملو
حاملو و الإسم بيظللو إلو
لكن البنت العمر كلو بالحياة
بَيِّها بنفسو و إسمو بتحملو
عرش الجمال البنت تاج طموحها
موجود معتا مطارح ال بتروحها
نصو بِعِفتها و خجلها و الحياء
و نص ال بِقِي موجود داخل روحها
الولد عن بَيُّـو الشهامة لمها
و عطر الكرامة من حنانو شمها
و البنت عزبا تكون أمّـا مزوجة
بتظل تمشي حسب رغبة إمها
إخت الرجال البنت ما في زيَّـها
أنثى و لكنها الكرامة لبيَّـها
بتحب عيلتها محبة صادقة
و أكتر محبتها أكيدة لخيها
العِفّة، الأدب للبنت تاج و إلتزام
بيزيدها حِشمة و كرامة و إحترام
البنت زهرة شامخة بين الورود
حافظ عليها و زيد فيها الإهتمام
أجمل جمال البنت مظهرها الأنيق
مش لِبسها العاري ت يعطيها بَريق
و تتمسَّك بأحكام رب العالمين
و مش كل يوم بقلبها يدخل عشيق
و تكون قدوة بالهداية و الحنين
و نور بكرامتها إذا اسْوَدّ الطريق
و تحمي شرفها من ذياب الكاسرين
و تتمتع بـإحساس ملموس و رقيق
و ما تختلط أمـا تصاحب مفسدين
و بالعق تختار الصديقة و الصديق
و تكسب رضى الأهل ال عليها محافظين
و تلبس بحشمة توب عاجسما يليق .
تعليقات
إرسال تعليق