على ضفاف نيلكِ
بقلم : الكاتب والشاعر
عماد الدين محمد
على ضفاف نيلكِ
بترسي قصايدي
وأكتب كلامي
وأرسم عيونكِ
أشوفكِ في فجركِ
وأسمع أذانكِ
وأرتل معاكِ
غناوي زمان
هنا كنت ماشي
أشاهد جمالكِ
شامخة ومجدكِ
شاهد كمان
وناسكِ أصيلة
في الشدة معادن
تظهر وتبان
وأنزل لحالي
أغني وأدندن
يرد عم يوسف
عليَّ السلام
ودي الست خضرة
تلف بعيشه الطازة
ودا عم جِرجِس
ينادي يغني
بلِيلِة زمان
يعدُي عليَّ
الأسطى زكريا
يخدنا في طريقه
للعتبة أوَام
لسه يامصر جواكِ خير
وناسك ما تِعرف
غير السلام
تقابلك ببسمة
تنسيك همومك
أوعى تقولي يااااااه
دا كان زمان
دي مصر الكنانة
وأرض السلامة
محفوظة ليوم القيامة
إنجيلكِ و قرأنكِ
وخير الكلام
على ضفاف نيلكِ
بترسي قصايدي
وأكتب كلامي
وأرسم عيونكِ
شمس تنوّر
كل الزمان .
تعليقات
إرسال تعليق