الصديق و الصداقة 

  الصديق و الصداقة 






بقلم الشاعر د . علي مسلم عجمي 



الصداقة بالتواصل أرض خصبة

و بميّات المودة على التربة

ان مات الحُب بتموت الصداقة

الصداقة أرض مزروعة محبة 


صديقك صادقو بصدق الصداقة

و أعطي للصدق كل انطلاقة

الصداقة بتوقف بسرداب مظلم

إذا فيها مصالح بالعلاقة 


الصداقة المخلصة إخلاص صادق

مـا فيهـا إلتـواء و لا مفـارق

و حبيبي يا صديقي نجم شارق 

على جبيني وضعتك تاج بارق

و شو حلوة تكون وحدك يا حبيبي

صديقي مميـز و بالحـب عاشق


الصداقة تلوثت من هيك حاله

بتاني أوكسيد المصالح و النذاله

و تلوثها بعصرنل نتج عنو

ثقب بالثقة و أحكام العداله



صديقك و الصداقة وطن غالي

اخترتو بعقل مش لعبة تسالي

إذا فقدت الصداقة ضاع منك

وطن عن عدم تفكير و جهاله


الصداقة متل وردة بمزهرية

بدها إهتمـام و أفضليـة 

و رعـاية بدهـا و إخـلاص صادق

تا تبقى فايحة و وردة  ندية


صديقي يا نبض قلبي الحقيقي

صديقي نور في ظلمة طريقي

الوفا مفتـاح أبواب الصداقـة 

صِلـة و إخلاص طبعك يا صديقي


أنا ما اخترت خيي يكون خيي

ال بقلبي في إلو محبة قوية

لكنـي بعقلي و بفؤادي

صديقي اخترت تا نبقى سوية .



تعليقات