السلام

 السلام



 بقلم الشاعر : علي مسلم عجمي 


الأديان كلها بصوت مرفوع المقام

نادوا على نشر المحبة بإنتظام

و نبذ الإساءة و كل شي إلها لَـفى

و للتسامح صِدق نية و إلتزام


نشر المودة الصادقة ما ألطفا

بين الشعوب و بالحكي أعذب كلام

صَفّوا النوايا و بالقلب خَلُّـوا الصفا

و لا تراشقوا عا بعض بشرور السهام


للعنف قولوا وقاف..خَلَّصنا كفى

نهج التآخي دربنا كل الدوام

قديش حلوة معاملة قادِر عَـفا

و العفو عند المقدرة قالوا الكرام


بالبرد كلمة طيبة بتعطي دَفا

نعومة سِلِم أطيافها ريش النعام

سراج المودة أبد عمرو ما انطفى 

طالما انتو النور للسلم و علام


عيوننا عالسلم ما بتعرف غَـفا

و عن حقوق الناس مش ممكن تنام

و للتواصل بدل من كُرُه و جَـفا

زرعنا السلام  بحُب أشبه بالغرام


و لما ع نهج السلم مجمعنا احتفى

زاد بمقامو و قيمتو أرفع مقام 

بارك أيادي المكرمة جِيد و قفا 

وِحدِة تآخي بتشبه طيور الحمام

و ترغل متل حسون في صوتو شِفا


إن عم السلام بصدق ما بين البشر 

بتعيش كل الناس في خير و سلام .



تعليقات