من حكايا الليل
" هيك المرا "
بقلم : نسيم حنا
شو السر لمّا بتقطف الوردي
بيفقد جمالا بايدك الرهجي
خلّي الورد بجناينو يهدّي
من ورد الله بتدلق البهجي
هيك المرا متل الورد بدّا
رجّال قلبو أرض تزرعها
بدّا سواعد تنزرع حدّا
ولا تنقلب ايدين تقلعها
بتصير زهرة بمشتلة نوّار
والحب دفوة سحر عاطيها
بيفوح منها العطر ليل نهار
بتصير زهرة جان لو فيها
يلّي قطفت الورد لا تفرح
جوات قلبو ما إلك مطرح
بعدو الورد حليان بترابو
مشتاق يعرف مين احبابو
فاق الندي سكران ع جنابو
خلّى الورد بمحبّتو يسبح .

تعليقات
إرسال تعليق