فص ياقوت
بقلم : مايسة إمام
لما تلاقي نفسك قابل غيرك
اعرف إنك إنسان مظبوط
وأما تقول الكلمة ورأيك
يكون واضح مش مشروط
تبقى صحيح تستاهل إنك
في العالي تبقى محطوط
متقولش أنا قصة ورواية
وتاريخي ع الحيط مخطوط
ولا يعلى صوتك ويدوي
ثورجي قال إيه عدى خطوط
سيب كل الألسنه تشهد لك
سيب سيرتك عايشة ماتموت
وغيابك يحكي كتير عنك
وحضورك يكون له شروط
متقولش أنا الأصلي وغيري
فالصو عيره وكله يفوت
خلي العين والعقل لك
يتشدوا كما لفص ياقوت .
إرسال تعليق