حزب مستقبل وطن أمانة القاهرة قسم السلام ثان وتكريم أهالي مدينة معا

 التعلق المرضي 

فرح الشعراوي

طبيعي جدا إنك كإنسان تتعلق بشخص 

او حاجة او مكان او حتى قعدة حلوة ،بس اللي مش طبيعي انك تتعلق لدرجة الانعزال او الاكتئاب الشديد او حتى ساعات بتوصل للموت .

نقطة من اول السطر هو ده التعلق المرضي هو انك تتعلق بشخص او اي حاجة لدرجة انك تحس انك من غير الحاجة دي مش هتعيش و حياتك مش هتكمل الا معاه  

ومع الوقت تتحول من شخص اجتماعي متفاعل لشخص منطفي  او زي ما بتقول "ميتلك ميت".

طيب اولا التعلق  المرضي بيجي من ايه؟؟ 

التعلق المرضي بيجي من الطفولة ،ازاي هقولك لما نفقد الاحترام من الاهل 

او الاصحاب او سوء معاملة او صدمة شديدة ،الحاجات دي كلها بتخلينا نفقد الحب .

و الانتماء و القبول و احترام الذات  فبنهرب و ندور على الحاجات دي في ناس تانية ، و لما تلاقيها في شخص هتفرح في الاول و تتبسط  و هتحط كل مشاعرك في الشخص ده بس هيجيلك هواجس انك ممكن تفقد الشخص ده طيب لو فقدتوا هتعمل اي فهتخش في حاجة من القلق 

و هتفضل تفكر تفكر و تخش في حالة ال over thinking . لا ده موضوع كبير اوي بس كل حاجة ليها حل .

اصحاب التعلق المرضي مشكلتهم في انهم بيواجهوا صعوبة تنظيم مشاعرهم ،فإحنا هنبتدي بمرحلة اولى و ان هو هيبتدي يعد مع نفسوا بجدية و ينظم افكاروا و لازم يشغل وقتوا بأي حاجة مفيدة .

طيب انا شغلت و قتي و نظمته بس مافيش نتيجة 

بصراحة انا من الناس اللي بتشجع على العلاج النفسي فأنا هديك حل مضمون انك هتلجأ لمختص نفسي او life coach 

او تتكلم مع شخص انت واثق فيه و انه يقدر يحل المشكلة و على فكرة انا بكلمك عن تجربة عزيزي القارئ 

و صدقني اي حاجة ليك فيها قدر 

او نصيب انت هتشوفها .

الرسول صلى لله عليه وسلم قال :

" وان الامة لو اجتمعت على ان ينفعوك بشئ لم ينفعوك إلا بشئ قد كتبه الله لك

  و ان اجتمعوا على ان يضروك بشئ لم يضروك إلا بشئ قد كتبه الله عليك رفعت الاقلام وجفت الصحف"